Kampanja aktuale

Komunikate per shtyp Nisma ime përkujton qeverinë e re për problemet e qytetarëve/eve

Prishtinë, 11 janar 2008

Aktivistët/et Nisma Ime organizuan sot (11.01) një aksion rrugor në Prishtinë gjatë së cilit diskutuan me qytetarë/e për problemet e shumta që ata kanë.

Nga qytetarët/et u kërkua që t’i listojnë problemet të cilat, sipas tyre, qeveria e re do të duhej t’i kishte prioritet dhe me të cilat do të duhej të merrej urgjentisht. Për rreth 60 minuta u kontaktuan 270 qytetarë/e. Nisma ime do t’i përmbledhë përgjigjet e dhëna nga qytetarët/et dhe do t’ia dërgojë qeverisë së re.

Qeveria e re, që rezultoi nga zgjedhjet parlamentare të 17 nëntorit, ka filluar punën dje, pas dhënies së betimit në Parlamentin e Kosovës më 9 janar.

Aksioni do të vazhdojë edhe ditën e hënë në të njëjtin vend, prej orës 12 ku aktivistët e Nisma Ime do të paraqesin figurativisht problemet më prioritare, të listuara në bazë të rëndësisë nga përgjigjet e dhëna nga qytetarët/et. Prioritetet, në formë të pankartave do të vendosen në një vend publik afër qeverisë së Kosovës.

Ndërkohë, Kryeministri i Kosovës Hashim Thaçi, pas pyetjes së një gazetari të radiotelevizionit të Kosovës (RTK), ka thënë se është i hapur që t’i presë aktivistët/et e Nisma Ime të hënën.

more